Një 34 vjeçar i shpallur në kërkim nga Italia, është arrestuar nga Policia në Shkodër.
Sipas Policisë, në kuadër të operacionit “Operacionalja 83”, është arrestuar shtetasi Syrgen Haxhija, 34 vjeç, lindur dhe banues në Shkodër.
Ai ishte shpallur në kërkim nga Interpol Roma, Itali, pasi gjykata e Milanos i kishte caktuar masën e sigurisë “Arrest në burg”, për akuzat e “Trafikimit të lëndëve narkotike” dhe “Pjesëmarrjes në organizatë kriminale”.
Haxhija është shoqëruar për veprime të mëtejshme proceduriale.
