Policia ka shoqëruar me dhunë në komisariat, 25 protestues nga protesta e Partisë Demokratike, të cilët shprehën revoltën e tyre kundër qeverisë, para Kryeministrisë dhe Kuvendit.
Sipas rapotimeve, 25 personat janë shoqëruar me pretendimin se kanë hedhur molotovë dhe lëndë shpërthyese drejt godinave qeveritare.
Ndërkohë nga ana e protestuesve dhe PD-së, është pretenduar se Policia i ka dhunuar dhe i ka helmuar me gaz lotsjellës.
Si pasojë e gazit, një protestues u asfiksua dhe i ra të fikët, ndërsa një tjetër është goditur me bombol gazi në kokë nga Policia.
Protesta ka nisur prej orës 18:00 dhe është duke vijuar akoma, ndërsa vetë kreu i PD-së, Sali Berisha ka deklaruar se revoltat do të vazhdojnë deri në largimin e Edi Ramës.
