Përplasjet mes protestuesve dhe efektivëve të policisë vijuan para godinës së Kuvendit të Shqipërisë.
Protestuesit kanë vazhduar të hedhin molotovë drejt forcave të rendit, ndërkohë, policia, përveç përdorimit të autobotëve me ujë, është kundërpërgjigjur edhe me gaz lotsjellë.
Si pasojë e sulmit me gaz lotsjellës dhe ujë, qytetarë të shumtë kanë mbetur të lënduar duke shfaqur vështirësi në frymëmarrje.
Protestuesit më pas janë tërhequr, ndërsa po mblidhen para godinës së PD-së ndërsa pritet një tjetër dalje e Sali Berishës për t’iu adresuar mbështetësve të tij.
