Presidenti i Partisë së Lirisë, Ilir Meta ka deklaruar se opozita duhet të paraqesë alternativën e saj në lidhje me Reformën Territoriale, duke mos përsëritur gabimin e bërë nga Lulzim Basha, në kohën kur drejtonte Partinë Demokratike.
Përmes një postimi në rrjete sociale Meta thotë se për 10 vite me radhë, Edi Rama drejtoi edhe opozitën dhe sipas tij, kjo falë korruptimit që iu bë lidershipit të asaj kohe.
Meta thotë se pjesëmarrja aktuale e opozitës në komisionet parlamentare mund të mos të ndikojë realisht vendimmarrjen e mazhorancës, por opozita sipas tij e ka detyrimin moral të paraqesë alternativa përballë qytetarëve.
““Matematikani” kurrë nuk paraqiti një projekt alternativë pranë Komisionit Parlamentar dhe si shpërblim mori mbështetjen e “nëndheshme” nga strukturat e PS në Lezhë, Pogradec, etj., që në atë kohë u cilësuar si “pazari i Roskovecit”. Edhe pse nuk jam optimist se pjesëmarrja e opozitës në këtë Komision do të jetë ndikuese në vendimin përfundimtar të shumicës (83 + 3), përsëri në respekt të qytetarëve që vujanë shkatërrimin e shërbimeve publike sot nga pushteti vendor besoj se opozita e ka për detyrë të paraqesë alternativën e saj përpara qytetarëve shqiptarë, por edhe Komisionit Parlamentar”, shkruan Meta.
Sipas Metës, Reforma Territoriale ka sjellë degradim të shërbimeve publike në nivel vendor dhe ka dobësuar përfaqësimin e qytetarëve, duke thelluar pabarazitë mes qarqeve dhe njësive vendore. Sipas tij, ky model antikushtetues, në një kohë kur opozita është e përçarë i shërben vetëm Ramës.
“Garantimi i një marrëveshjeje gjithëpërfshirëse zgjedhore që mundëson mosdjegien e votave opozitare, u jep mundësi të gjithë faktorëve të marrin atë që meritojnë. Ndërsa vendosja e “kushteve morale” në mënyrë joparimore e subjekteve është vetëm në shërbim ndaj Ramës, që regjimi të vazhdojë të vjedhë në mënyrë skizofrenike, se opozita është “e përçаrё”,- thotë Meta ndër të tjera.
Reagimi i plotë:
