Arta Dollani, e besuara e Mirela Kumbaros i është caktuar masa arrest shtëpie, pas aksionit të Prokurorisë së Durrësit për mbetjet e rrezikshme të konfiskuara një vit më parë.
Arta Dollani është një zyrtare e lartë e administratës publike, e njohur si person i afërt dhe e besuar e ministres Mirela Kumbaro, pasi ka mbajtur poste drejtuese në institucione që kanë qenë nën varësinë e saj.
Aktualisht, Dollani mban detyrën e drejtoreshës së Agjencisë së Arsimit Parauniversitar. Më herët, ajo ka shërbyer si drejtoreshë e Agjencisë Kombëtare të Mjedisit (AKM), institucion kyç në monitorimin dhe kontrollin e çështjeve mjedisore në vend.
Arta Dollani akuzohet nga Prokuroria e Durrësit për shkelje të rënda të ligjit të kryera gjatë kohës kur drejtonte Agjencinë Kombëtare të Mjedisit. Hetimi lidhet me çështjen e menaxhimit të mbetjeve industriale, një prej aferave më problematike mjedisore në vend.
Sipas prokurorisë, shkeljet kanë të bëjnë me mosveprime, vendimmarrje të kundërligjshme dhe tolerim të ndotjes mjedisore, duke lejuar trajtimin ose depozitimin e mbetjeve në kundërshtim me legjislacionin në fuqi.
Pas aksionit të prokurorisë, ndaj saj është caktuar masa e sigurisë “arrest shtëpie”, ndërsa hetimet vijojnë për të përcaktuar përgjegjësitë penale dhe institucionale.
Të dy institucionet ku Dollani ka ushtruar funksione drejtuese kanë qenë nën drejtimin politik të Mirela Kumbaros, duke e kthyer dosjen edhe në një çështje me peshë politike.
LEXO EDHE:
VIDEO-SKANDALI/ Edhe Kumbaro si Dollani, e pa interesuar për mjedisin!
Zhupa: Kumbaro emëron Arta Dollanin në krye të arsimit parauniversitar me konkurse fiktive
