Dy të rinj janë arrestuar nga policia pasi u kapën me lëndë narkotike në automjetin me të cilin qarkullonin në qytetin e Kukësit.
Sipas policisë, të rinjtë dyshohen se në bashkëpunim me njëri-tjetrin shisnin lëndë narkotike në doza në zona të ndryshme të qytetit. Njëri prej tyre, një 16-vjeçar, drejtonte automjetin pa leje drejtimi.
Nga kontrolli i automjetit, policia gjeti dhe sekuestroi një sasi lënde të dyshuar narkotike të llojit Cannabis Sativa, e cila ndodhej në bagazh, si dhe automjetin që përdorej për shpërndarjen e saj.
Në pranga janë vënë 16-vjeçari që drejtonte mjetin pa leje drejtimi dhe shtetasi M.M., 22 vjeç, pronari i automjetit.
Ndërkohë, një tjetër 16-vjeçar që ndodhej si pasagjer është proceduar penalisht në gjendje të lirë.
