Një 42-vjeçar nga Korça është arrestuar nga policia, pasi dyshohet se është autor i vjedhjes së katër makinave në qytet.
Sipas Policisë, në kuadër të operacionit të koduar “Four”, u vu në pranga shtetasi me iniciale L. Sh., i dënuar më parë për vjedhje.
Nga veprimet hetimore, dyshohet se ky shtetas është autori i vjedhjes në 4 automjete, ngjarje të ndodhura më datë 31.01.2026, në qytetin e Korçës.
Në cilësinë e provës materiale u gjetën dhe u sekuestruan një kasetofon, një pasaportë, një palë çelësa, një telefon i markës iPhone 13 Pro Max, një sasi lekësh dhe sende të tjera.
Materialet procedurale iu referuan Prokurorisë së Korçës, për veprime të mëtejshme.
