Një çift shqiptar, një vajzë 22-vjeçare dhe një djalë 23-vjeçar, u arrestua në Itali pasi u kapën duke transportuar kokainë me një makinë me qira.
Sipas mediave të huaja, ata mbërritën në Itali disa ditë më parë me viza turistike dhe kishin planifikuar të dorëzonin drogën te klientët.
Operacioni u zhvillua të shtunën pasdite gjatë një patrulle rutinë të karabinierëve në zonën Strada del Borghetto, mes Via Ippocrate dhe Perticara, një rrugë mjaft e izoluar me shtëpi dhe vila. Kur patrulla vuri re makinën e çiftit, ata u përpoqën të fshiheshin brenda saj, por kjo sjellje tërhoqi menjëherë vëmendjen e policisë.
Brenda makinës u gjetën 12 doza kokainë, gati për t’u shpërndarë, si dhe 6 pako të tjera që përmbanin rreth 30 gramë të tjera të substancës, ende të papaketuar.
Sipas autoriteteve, ky rast është pjesë e një rrjeti në rritje të trafikantëve të rinj shqiptarë pa precedentë penalë, të cilët veprojnë sipas udhëzimeve të organizatorëve më të mëdhenj. Dy të rinjtë janë shoqëruar për veprimetë mëtejshme proceduriale.
