Dy të rinj shqiptarë u arrestuan në zonën e liqenit të Gardës në Itali, pasi akuzohen si pjesë e një rrjeti të trafikut të kokainës.
Aksioni u krye nga policia e Desenzanos, që njoftoi se arrestoi dy shqiptarët e përfshirë në trafikun e kokainës në zonë.
Të arrestuarit janë të dy 26-vjeçarë, ndërsa ishin monitoruar dhe ndjekur për njëfarë kohe.
Klientët e tyre të rregullt përfshinin pronarë biznesesh vendase, artizanë dhe punonjës të pavarur.
Sasi të konsiderueshme parash dhe droge u gjetën. Të dy shqiptarët u ndaluan dhe u paraburgosën për hetime të mëtejshme.
