Një ngjarje e rëndë raportohet të ketë ndodhur mbrëmjen e kaluar në zonën e Yzberishtit në Tiranë, ku një i ri është dhunuar barbarisht në hyrje të një pallati nga persona ende të paidentifikuar.
Në pamjet e publikuara nga JOQ, shihet momenti ku i riu, identiteti i të cilit ende nuk dihet, është i shtrirë në tokë, ndërsa goditet me grushte dhe shkelma nga dy persona të tjerë.
Sipas dëshmitarëve, një debat mes tyre i cili zgjati për disa minuta përshkallëzoi deri në dhunë fizike.
Siç shihet dhe në video, pas dhunës së ushtruar ndaj tij, i riu ka mbetur pa ndjenja ndërkohë që një tjetër person i është afruar dhe e ka futur me vështirësi në një automjet.
Lidhur me këtë ngjarje deri më tani nuk ka një reagim zyrtar nga Policia.
