Ka nisur me tensione seanca e sotme plenare në Kuvend, ku pritet të diskutohet mes të tjerash rishikimi i buxhetit të vitit 2025 dhe ndryshimet në Kodin Penal.
Në rend dite janë parashikuar 19 projekt ligje, për të cilat Partia Demokratike ka shpërthyer në kritika.
Deputetët demokratë, ka kërkuar shtim të seancave plenare, për shkak se sipas tyre 19 projektligje brenda një seance janë numër shumë i lartë dhe nuk mjafton koha për ti shqyrtuar dhe diskutuar të gjitha.
Luçiano Boçi, ka akuzuar se mazhoranca shton numrin e projektligjeve që ti miratojë sipas interesit dhe t’ju hedhi ‘hi syve’ shqiptarëve.
“Parlament i çmendur dhe qesharak. Ato projektligje, secili prej tyre mund të kërkonte seancë në vete, por të fusësh 19 projektligje në një seancë është t’i kaluar kot dhe për t’i hedhur hi syve shqiptarëve. Pse nuk shton seancat, nuk ka asnjë ndalesë për ta bërë një gjë të tillë. Kjo është për t’i marrë, nuk është parlament por si kioskë. Projektligjet e rëndësishme duan debat nga parlamentarët se për këtë punë janë zgjedhur. Shtoni seancat ju lutem shumë, mos e çmendni më shumë këtë parlament”,- është shprehur Boçi.
LEXO EDHE:
Sot seancë plenare në Kuvend, zbardhet rendi i ditës. Çfarë pritet të diskutohet
