Shefi i shërbimit të anestezi – reanimacionit në QSUT, Krenar Lilaj, ka reaguar në lidhje me ngjarjen e regjistruar mëngjesin e sotëm, ku një i dënuar me burg humbi jetën pas një ndërhyrje kirugjikale në këtë qendër spitalore.
Në një prononcim për mediat, Lilaj thotë se i dënuari Mihal Mërkuri, ndërroi jetë pasi ishte në gjendje të rëndë, duke mohuar që vdekja të ketë ardhur si pasojë e mungesës së dritave.
“Nuk cënoi kujdesin e pacientëve. I dënuari vdiq pasi ishte në gjendje të rëndë me hemorragji. Furnizimi me energji elektrike u kthye rreth orës 09:45”,– ka thënë Lilaj.
Ndërkohë i pyetur përse nuk punojnë gjeneratorët ai ka thënë se kjo nuk është një çështje që i përket atij.
“Kjo nuk është pyetje që më përket mua, por instancave të tjera”,- ka thënë ai.
I dënuar Mihal Mërkuri, ishte shtruar në QSUT më datë 18.01.2026, rreth orës 20:21, dhe i është nënshtruar një ndërhyrje kirurgjikale për shkak të hemorragjisë së brendshme (hemoperitoneum).
Pas ndërprerjes së energjisë elektrike në këtë qendër spitalore, ku siç u raportua pacientët dolën nga kujdesi intensiv, Mërkuri ndërroi jetë dhe sipas Policisë vdekja ka ardhur si pasojë e një arresti kardiak dhe hemorragjisë në kokë.
LEXO EDHE:
Skandal në QSUT, mungesa e dritave nxjerr pacientët nga kujdesi intensiv (Video)
