Një qytetar ka denoncuar gjendjen dramatike në Urgjencën e Tiranës, ku pacientët detyrohen të marrin shërbim mjekësor në korridore, për shkak të mungesës së dhomave.
Denoncimi i tij, i shoqëruar me pamje filmike, tregon se edhe në vitin 2026, sistemi shëndetësor shqiptar përballet me probleme të rënda infrastrukturore dhe organizative.
“Prej tre orësh ndodhemi në Urgjencën e Tiranës dhe nuk ka dhoma për pacientët. Shërbimi merret në korridore, siç shihet edhe në video,” shkruan qytetari për JOQ.
Urgjenca e Tiranës, si institucioni kryesor ku drejtohen qytetarët në raste emergjente prej vitesh nuk arrin të përballojë fluksin e pacientëve.
Pacientët jo vetëm që përballen me vonesa të gjata, por edhe me kushte larg standardeve minimale të kujdesit shëndetësor.
