Reshjet intensive të shiut dhe dëborës që kanë përfshirë vendin prej disa ditësh kanë shkaktuar problematika në Vilë të Bushtricës.
Sipas raportimeve një banesë dykatëshe, që i përket familjes së Naim Dragjoshit ka pësuar dëmtime dhe është bërë e pabanueshme.
Banesa prej guri ka pësuar plasaritje të konsiderueshme, ndërkohë që 8 anëtarë të kësaj familje kanë mbetur në qiell të hapur.
Familja, apelon për ndihmë urgjente dhe kërkon ndërhyrjen e autoriteteve për vlerësimin e dëmeve.
