Imuniteti i zv/kryeministres Belinda Balluku, ka mbetur pezull prej disa ditësh, pasi Këshilli i Mandateve nuk mori një vendim për kërkesën e SPAK për arrestimin e saj, mbledhjen e kaluar.
Pesë anëtarët demokratë të Këshillit, i janë drejtuar me shkresë kryetarit të Kuvendit, Niko Peleshi ku kërkojnë mbledhjen e Këshillit ditën e sotme, (26 dhjetor ora 11:00) për shqyrtimin e kërkesës së SPAK, me pretendimin se 1 javë është e mjaftueshme për anëtarët që të njihen me provat e dosjes.
Por nga krahu tjetër, anëtarët socialistë të Këshillit kanë kërkuar që mbledhja të shtyhet për në janar, kjo pasi avokatët e Ballukut kërkuan kohë për tu njohur me dosjen voluminoze prej 10 mijë faqesh.
Mbetet për tu parë se kur do të mblidhet Këshilli, edhe pse socialistët për ti dhënë më kohë Ballukut, janë shprehur se shqyrtimi i kërkesës se Prokurorisë së Posaçme nuk do bëhet para se të shprehet Gjykata Kushtetuse për çështjen e pezullimit të saj nga detyra.
