Një 35‑vjeçar nga fshati Labinot Fushë është vënë në pranga nga Policia e Elbasanit, pasi ka goditur me thikë vëllanë e tij, 46 vjeç, pas një konflikti për motive të dobëta.
Ngjarja u zbulua pasi i dëmtuari u paraqit në Spitalin Rajonal të Elbasanit për të marrë ndihmë mjekësore, me plagë të shkaktuara nga një mjet prerës.
Policia identifikoi dhe arrestoi në flagrancë autorin e dyshuar, shtetasin B. H., 35 vjeç. Ai akuzohet se ka goditur me thikë vëllanë e tij, A. A., i cili ndodhet jashtë rrezikut për jetën.
Gjatë kontrollit në banesën e të arrestuarit, policia sekuestroi mjetin prerës të përdorur në ngjarje, si dhe disa fishekë arme gjahu.
