Kreu i PD-së Sali Berisha denoncoi manipulimimn e votës me paratë e drogës si dhe zbuloi skemën që varion nga presioni individual deri tek manovrat financiare. Në studion e Çim Peka Live, Berisha tha se fuqia e parasë së paligjshme ka arritur nivele të jashtëzakonshme në proceset elektorale në Shqipëri.
Ai tregon si një qytetari në Durrës natën para zgjedhjeve, i është dorëzuar në derë një zarf me 1000 euro. Bashkëngjitur me paratë, ishte një mesazh i shkurtër dhe i qartë: “mos dil në votime”.
Në qendër të akuzave është rrëfimi i një qytetari nga Durrësi, të cilit, natën para zgjedhjeve, i është dorëzuar në derë një zarf me 1000 euro. Bashkëngjitur me paratë, ishte një mesazh i shkurtër dhe i qartë: “mos dil në votime”.
Dimensioni financiar i skemës merr përmasa edhe më të mëdha kur bëhet fjalë për faljen e gjobave dhe kamatëvonesave për bizneset, vetëm dy ditë para ditës së votimit. Berisha tha se nuk ka zgjedhje me Edi Ramën pasi ky i vjedh.
Pjese nga intervista e Berishes
“Fuqia e drogës në Shqipëri është e jashtëzakonshme. E tregova dhe sot. Më vjen dje kryetari i Durrësit, dhe më thotë, të nesërmen e zgjedhjeve më erdhi filani, një njeri i respektuar, qytetar. Kam ardhur me të thënë diçka.
Çfarë thotë? Natën e votimit, natën para votimit, më ra dera tak-tak, e vë dorën. Erdhi një djalë më dha me këtë zarf është për ty. Thashë çfarë është? Posta. Edhe iku. E hap zarfin, 1000 Euro. Dhe poshtë, mos dil në votime. Mbeta tha. T’ia kthej, t’ia kthej paratë s’kisha ku ta gjej.
Ky është një rast shumë, shumë i vogël. Por, të organizosh në kushtet e partisë-shtet, kur ti organizon 4533 aktivitete në kundërshtim me ligjin për të ndikuar votën, kur vetëm ditën e zgjedhjeve i jep Giro d’Italia një kompani private 7 milionë Euro për përmirësim dhe mashtrim..
A e morët vesh sa kanë shkuar gjobat e falura dhe kamatat? Fillimisht u mendova se do ishin nja 200 milionë. Të llogaritura para dy javësh dolën 1 miliard e 700 milionë. Tani po flasin për 2 miliardë. Vetëm biznese, që ta dini, vetëm, Euro.
. Shikoni, vetëm bizneset, biznese përfituese janë 2008 biznese, nga të cilat aktive janë 88. Aktive janë 88. S’ka zgjedhje këtu. Po problemi është, jo vetëm s’ka zgjedhje por nuk kuptohet se nuk ka zgjedhje.
Folësi 2: Cili është plani juaj doktor? Urdhëro? Cili është plani? Domethënë nëse, se këtë polemikë e kam me, këtë polemikë e kam me Bushatin këtu, se ky pajtohet me ju?
Sali Berisha: Plani është, ta them troç, vetëm, vetëm protestë. Asgjë tjetër. Nuk ka zgjedhje me Edi Ramën. E kam thënë me qindra herë.
E dyta, do mbroj votën. Si do mbroj votën? Nuk mbroj votën me armë. Por zgjedhjet u rrëzuan.Ne dhamë kontributin tonë për t’u rrëzuar ato. Ato nuk u rrëzuan kurrë se pretenduam ne, jo. Por se ata vëzhgues gjetën me qindra mijëra fakte dhe ky na ndihmoi. Pse na ndihmoi ky? Kërcënoi ambasadorin .. “
