Gazetari Ferdinand Dervishi, ka komentuar atentatet e regjistruara së fundmi në vend dhe mosreagimin e Policisë kundrejt rasteve.
Gazetari thotë se trupa policore është e degjeneruar dhe uniformat nuk kanë besim të njëri-tjetri, sepse e kanë kthyer në biznes luftën ndaj krimit.
Sipas tij kemi një degjenerim total të policisë në të gjitha nivelet dhe duhet të pastrohet fillimisht kjo e fundit që të ketë rend dhe siguri në vend.
Mungon puna operative që dikur bënte policia kriminale, infiltrimi, e të tjera, që sot janë të gjitha zero. Grumbullimi i informacionit, e di pse? Sepse ata nuk besojnë te njëri-tjetri, sepse polici i parë, kolegu i vet apo shefi i vet do të marrë vesh që ky po shkonte një tek element kriminal dhe ka siguruar prova, do ta shesë, do të shkojë tek elementi kriminal, do t’i marrë lekët. Pra unë do të jap një informacion, do të shpëtoj nga kjo gjë, po ti duhet të më paguash mua.
Me një fjalë kemi një degjenerim total të policisë në të gjitha nivelet dhe unë nuk e di se kur një ditë do rikthehemi, që të pastrohet policia, që duket një gjë krejtësisht e pamundur. Nuk mundet përderisa të gjithë të rinjtë janë duke u futur për të bërë para”,- u shpreh Dervishi në emisionin “Të Paekspozuarit” në MCN TV
