Një 33-vjeçar me iniciale A.S., banues në Durrës, është arrestuar në pikën kufitare të Muriqanit. Ai ishte shpallur në kërkim nga Gjykata e Shkallës së Parë në Durrës, ku i ishte caktuar masa e sigurisë “arrest me burg” për veprën penale “Prodhimi dhe shitja e lëndëve narkotike”.
Shtetasi A.S. u kap nga shërbimet e Policisë Kufitare gjatë tentativës për të dalë nga vendi. Pas arrestimit, ai është dërguar në DVP Durrës, ku do të kryhen veprimet e tjera procedurale.
“Kapet në tentativë për të dalë nga Shqipëria, 1 shtetas në kërkim për veprën penale “Prodhimi dhe shitja e narkotikëve”.
Shërbimet e Policisë Kufitare të PKK Muriqan, si rezultat i punës intensive të kryer bazuar në analizën e riskut, me qëllim goditjen e paligjshmërive dhe kapjen e shtetasve në kërkim që tentojnë të hyjnë apo të dalin nga kjo pkk, kanë kapur në dalje të kufirit të RSh-së, shtetasin:
-A. S., 33 vjeç, banues në Durrës.
Ky shtetas ishte shpallur në kërkim pasi Gjykata e Shkallës së Parë e Juridiksionit të Përgjithshëm Durrës i ka caktuar masën e sigurisë “Arrest në burg”, për veprën penale “Prodhimi dhe shitja e narkotikëve”, njofton policia.
