Gjykata e Durrësit ka vendosur të mbajë në burg 21-vjeçarin Daniel Pepa, i akuzuar për vrasjen e Flori Paluçit më 22 tetor në Manzë.
Pepa u paraqit sot para gjykatës, një ditë pasi u dorëzua në polici së bashku me armën e dyshuar të krimit, e cila është dërguar për ekspertizë. Seanca u zhvillua me dyer të mbyllura dhe gjykata konfirmoi vlefshmërinë e masës së sigurisë “arrest në burg”, të vendosur më herët në mungesë.
Gjatë deklarimit para trupit gjykues, i riu shfaqi pendesë dhe tha se ishte i gatshëm të përballej me përgjegjësinë për veprimet e tij.
