Një 39-vjeçare është arrestuar nga Policia pasi akuzohet se ka kontrabanduar mallra të vjedhura nga Greqia.
Në pranga ka rënë shtetasja me iniciale, Estela Kapo, pronare e një dyqani në Yzberisht ku sipas Policisë shiteshin mallrat (veshjet) të kontrabanduara.
“Seksioni i Hetimit të Krimeve Ekonomiko-Financiare, në bashkëpunim me Drejtorinë për Krimet në Volum në DPPSh, si rezultat i administrimit të informacioneve të siguruara për një rast të kontrabandës së mallrave, organizuan dhe finalizuan operacionin policor të koduar “Outlet”, si rezultat i të cilit u vu në pranga shtetasja:
-E. K., 49 vjeçe, banuese në Tiranë.
Gjatë kontrollit në subjektin tregtar që administronte kjo shtetase, në rrugën “Demneri”, Yzberisht, u gjet dhe u sekuestrua një sasi e konsiderueshme veshjesh të ndryshme, për të cilat ajo nuk dispononte dokumentacion doganor apo fatura blerjeje”,- thuhet në njoftimin e Policisë.
