Pasditen e kësaj të hëne pritet të mbahet protesta e thirrur nga opozita para Kryeministrisë.
Tubimi është njoftuar në orën 18:00 dhe sipas selisë blu ky aksion opozitar do të jetë i përjavshëm, në formën e një platforme parlamente me podium dhe foltore në Bulevardin e kryeqytetit, ndërsa thirrja e një proteste kombëtare i përket një momenti tjetër, javët në vijim.
Sipas opozitës ky tubim vjen për aferën e Tunelit të Llogarasë, për të cilën është marrë e pandehur zv/kryeministrja Belinda Balluku, dhe për ngushtimin e hapësirave në Kuvend për opozitën.
PD akuzon mazhorancën se nuk lejon zhvillimin normal të seancave parlamentare dhe për këtë sipas tyre do të hapet foltorja para Prkeyministrisë, ku deputetët e opozitës do të mbajnë fjalën, bashkë me përfaqësues dhe simpatizantë të tyre.
Ndërkohë, Kryeministria është “blinduar” me mbrojtëse metalike, si masë për protestaën e sotme.
