Jamarbër Malltezi ka denoncuar ditën e sotme një situatë shqetësuese në qytetin e Elbasanit.
Përmes një postimi në rrjete sociale, Malltezi ka ndarë një video ku duket se tubacionet e ujit të pijshëm në një lagje të Elbasanit kanë shpërthyer në sipërfaqe duke përmbytur rrugën.
Nga video shihet se uji ka vërshuar në rrugë duke e bërë të pamundur kalimin e këmbësorëve apo banorëve të zonës.
“Tani në Elbasan”: Tubat e ujit të pijshëm pa u inaguruar akoma”, – shkruan Malltezi krahas videos në fb.
Ndërkohë kjo nuk është hera e parë që shpërthejnë tubacionet e ujit të pijshëm. Një situatë e ngjashme është regjistruar edhe pak ditë më parë pranë Universitetit “Aleksandër Xhuvani” në këtë qytet, ku një sasi e madhe uji që dilte me presion të lartë shpërtheu duke mbuluar rrugët nga uji.
Por pavarësisht këtyre rasteve asnjë ekip teknik nga ujësjellësi nuk është parë të ndërhyjë.
