Pasditja e sotme ka sjellë një kaos dhe një trafik tepër të rënduar në Tiranë, edhe më shumë se sa ditët normale, ku drejtuesit e automjeteve po rrinë me kohë të stërzgjatur të bllokuar në rrugë.
Sipas autoriteve policore, trafiku i rënduar në Tiranë është shkaktuar për shkak të bllokimit të qarkullimit të automjeteve nga Autoriteti Rrugor Shqiptar në autostradën Vorë-Durrës.
Ndërkohë, Policia u bën apel drejtuesve të automjeteve të tregojnë durim, të respektojnë sinjalistikën rrugore dhe udhëzimet e punonjësve të Policisë.
“Për shkak të mbylljes së përkohshme të autostradës Tiranë–Durrës, për arsye punimesh, të njoftuar me datë 10.10.2025, nga Autoriteti Rrugor Shqiptar, është krijuar trafik i rënduar në disa zona brenda kryeqytetit, si dhe në hyrje e dalje të tij.
Shërbimet e Policisë Rrugore dhe Patrullat e Përgjithshme ndodhen në çdo kryqëzim dhe segment kryesor rrugor, me qëllim menaxhimin dhe lehtësimin e qarkullimit.
Policia e Tiranës u bën apel drejtuesve të automjeteve të tregojnë durim, të respektojnë sinjalistikën rrugore dhe udhëzimet e punonjësve të Policisë, si dhe të përdorin rrugë alternative, për të shmangur vonesat në lëvizje.” – thuhet në komunikatë.
LEXO EDHE:
Trafiku i Tiranës në kolaps/ Rrugorët merren me monopatinat, nuk preken betonieret (Foto e Video)
