Politologu Ilir Kalemaj duke folur në Mcn tha se Partia Socialiste nuk po e ndihmon Erion Veliajn dhe as po e mbron nga pikëpamja politike dhe juridike.
Sipas Kalemajt, Veliaj është një “kufomë politike”. Politologu po ashtu vë në dukje se Ogerta Manastirliu nuk ishte një zgjedhje rastësore, por e mirëmenduar nga Edi Rama, si kandidate për Bashkinë e Tiranës.
“E përjashtoj apriori skenarin që ata e bëjnë për ta ndihmuar Erion Velijn. Veliaj s’është marrë në mbrojtje politike dhe as juridike nga partia ku ai ka qenë eksponenti i dytë apo i tretë më i rëndësishëm. Janë avokatët e tij që janë ankuar për shkelje të Konventës së të Drejtave të Njeriut. E përjashtoj këtë si mundësi. PS s’është duke e ndihmuar z.Veliaj, por natyrisht PS dhe këshilltarët e saj bashkiakë s’po mundohen gjithashtu që të gjejnë një artific që z.Veliaj ta përdorur për të mbajtur peng Bashkinë e Tiranës, pasi znj.
Manastirliu ishte zgjidhja e duhur për të dhënë dike që e njeh bashkinë dhe ka punuar me Ramën, përfaqëson fluksin e ish-drejtoreshave të bashkisë që janë poli më i fuqishëm brenda PS-së, ai mban një profil më të ulët politik dhe e lë mënjanë nga skandalokracia, dhe është një përzgjedhje politike, sepse është anëtare kryesie, drejtuese politike e Tiranës. Ka qenë një zgjedhje e mirëmenduar kohë më parë dhe jo një zgjedhje rastësore. Veliaj për fat të keq është një ‘kufomë politike’. Referuar ‘kafshës politike’ që thotë Aristoteli, në momentin aktual s’i volit PS-së dhe nuk sjell kapital të shtuar” – tha Kalemaj.
