SPAK, ka marë në dorëzim një dosje hetimore që bën fjalë për trafikun e armëve nga Kosova drejt Shqipërisë.
Çështja penale që është hapur në SPAK, lidhet me një material hetimor të transferuar nga prokuroria e Tiranës drejt prokurorisë së Posaçme.
Rasti i trafikut të armëve të llojeve të ndryshme është hetuar dhe zbuluar fillimisht nga prokurori i Tiranës, Ridvan Suka.
Por për shak të konstatimit të elementëve të një grupi të srukturuar kriminal, prokurori vendosi të shpallë moskopetencën lëndore dhe aktet hetimore të kësaj dosje, t’ia përcjellë prokurorisë së posaçme SPAK.
“Ora News” ka mësuar se aktualisht personat e vënë nën hetim për akuzat e “Trafikimit të armëve dhe municioneve” në kuadër të “Grupit të strukturuar kriminal”, janë Leandro Haxhiaj, Emirel Tusha, Fabricio Berberi, Geraldo Muraj, Kevin Farruku, Rikardo Hajdaraj, Visar Murati, Adriano Shehu dhe Ritvan Keqi.
Ky i fundit në fund të muajit Gusht 2025, u arrestua nga policia e Shtetit, dhe masa e sigurisë “arrest në burg” ju zhvillua pranë Gjykatës së Posaçme.
Mësohet se gjatë operacionit të zhvilluar nga strukturat e rendit janë sekuestruar 14 armë zjarri, 12 pistoleta, njëra prej tyre me silenciator, dhe 2 automatikë, si dhe 2077 fara kanabisi, krehra dhe municion luftarak, 3 automjete dhe 8 celularë.
Grupi i trafikut të armëve nga Kosova drejt Shqipërisë u godit pas një hetimi 5 mujor nga sektori i antitrafiqeve të Tiranës dhe prokurori Suka.
Operacioni i koduar “Puzzle” çoi në pranga në total 10 anëtarë të grupit të trafikut të armëve. 8 të rinj u arrestuan më 30 maj 2025, ndërsa 2 të tjerë ishin arrestuar në kuadër të këtij hetimi më datë 1 prill.
I fundi që u kap në Laç ishte Ritvan Keqi. Pistoletat e kapura shiteshin në disa qytete, përfshirë Tiranën, Shkodrën dhe me gjerë me 1500-2500 euro copë. Njëra prej tyre, me silenciator, do të shitej të paktën 3000 euro./Ora News
LEXO EDHE:
Trafiku i armëve Kosovë-Shqipëri/ Baza e grupit ishte në Burrel, pistoletat shiteshin deri në 2500 €
EMRAT/ Goditet grupi i trafikut të armëve Kosovë-Shqipëri, 10 të arrestuar e dy në kërkim
