Një ngjarje e rëndë është regjistruar në Këcyrë, ku një vajzë 16-vjeçare dyshohet se është abuzuar seksualisht për tre vite nga njerku i saj, shtetasi P. B., 55 vjeç, banues në Këlcyrë, efektiv i komisariatit të policisë Përmet.
Ndërkohë, në kërkim është shpallur kolegu i 55-vjeçarit, shtetasi A. A., 53 vjeç, banues në Këlcyrë, punonjës i komisariatit të çolicisë Tepelenë, i cili po ashtu, dyshohet se ka abuzuar me 16-vjeçaren.
Rasti u zbulua pasi i dashuri i 16-vjeçares, shtetasi K. P., 46 vjeç dhe shoku i tij, shtetasi I. P., 27 vjeç, të dy banues në Këlcyrë, pasi dyshohet se kanë kanosur 55-vjeçarin, që t’iu jepte 1 000 000 lekë, për të mos i publikuar video me përmbajtje intime.
Lidhur me rastin në fjalë, gazetarja Ervina Cepuni Shehaj akuzon Agjencinë e Mbikëqyrjes Policore (AMP) se kishte informacion që ditën e djeshme mbi rastin, por e lejoi efektivin 53-vjeçar që të arratisej drejt Greqisë. Fakti që efektivi në kërkim ndodhej në shtetin fqinj konfirmohej edhe në deklaratën e Policisë së Gjirokastrës.
Sipas gazetares, ky është një rast i përsëritur, pasi edhe disa muaj më parë, një efektiv i Policisë së Gjirokastrës u arratis në sytë e oficerëve të AMP-së.
“Dy efektive policie kane abuzuar me nje 16-vjecare ne Kelcyre. Sot njerku i saj, qe eshte edhe nje prej abuzuesve, u arrestua. Por tjetri, efektivi 53-vjecar, iku qe dje drejt Greqise. Pse? Sepse AMP edhe pse e dinte rastin qe dje , heshti, nuk veproi dhe i la kohe te arratisej. Ky nuk eshte gabim por zgjedhje.E njejta skeme ndodhi edhe disa muaj me pare ne DVP Gjirokaster, ku nje efektiv policie u arratis ne syte e AMP. Rastesi? Apo mbulim i qellimshem? Kur abuzuesit mbrohen nuk kemi thjesht nje skandal policie. Kemi nje AMP qe nuk e ben punen, ose me keq, qe eshte e lidhur me ata qe “gjasme” duhej te hetonte.” – shkruan gazetarja.
