Kuvendi ka nisur me debate ditën e sotme pas kërkesës së Partisë Socialiste për të kaluar me procedurë të përshpejtuar ndryshimet për rregulloren e Kuvendit.
Opozita doli kundër duke thënë se po i ngushtohen hapësirat dhe është hera e parë që pushteti ekzekutiv iu dikton strukturën Kuvendit.
Nga ana tjetër kreu i grupit të PS, Taulant Balla tha se për herë të parë i kanë lënë opozitës më shumë fusha në drejtim dhe u kanë besuar komisione jetike.
Duke u ndalur te Komisioni i Integrimit, që tashmë do të drejtohet nga maxhoranca, kreu i Grupit Parlamentar të PD-së, Gazment Bardhi tha se procesi i anëtarësimit është mision kombëtar dhe jo partiak. Sipas tij, qeveria Rama e përdor procesin e integrimit vetëm për propagandë.
Bardhi: Të nisësh detyrën më të lartë shtetërore si kryetar i kuvendit në shkelje të rregullores së kuvendit, do t’ju duhet t’ju turpërojë. Për të kaluar për rregulloren me procedurë të përshpejtuar. Ju kërkoj t’ju kërkoni ndjesë deputetëve pr shkeljken e rregullores dhe kërkoj t’i qndroni strikt detyrës tuaj dhe të mos bëheni vartës i njërit apo tjetrit dhe t’i qëndroni detyrimeve që përcakton rregullorja. Nuk mund të ecim me strukturën e vjetër tha parafolësi a thua se shqetësimi më i madh që ka ky kuvend, është struktura e komisioneve. Në fakt, shqetësimi më i madh që ka ky kuvend është fakti që ky krah i sallës plenare janë kthyer në noterë të qeverisë. Shqetësimi më i madh që ka kuvendi është se me votat e maxhorancës votohet ligje që grabisin paratë publike, ligje të sponsorizuara nga oligarkët. A keni propozuar ndryshim për të frenuar këtë metodë. Ky është shqetësimi që ka kuvendi, vjedhja. Keni kaluar këtu ligje të shkruara dhe nuk e thotë opozita por dosjes e SPAK, të shkruara në PC e Klodian Zotos. Ky është shqetësimi që ka Kuvendi, nuk ka shqetësim në oragizohet në 10 apo 8 komisione. Sa i takon ndryshimeve të rregullores do t’ju duhet t’ju turpërojë. Ndodh për herë të parë që ndryshimet në rregullore, për strukturën, diktohen nga kreu i ekzekutivit.
Gjithë verës i diktoi strukturat pushtetit lokal, i tha bashkive me këtë strukturë do qeverisni, pasi i diktoi vendimarrjet gjyqtarëve dhe prokurorëve dhe nëse nuk i pëlqen i sulmon në facebook. Flisni për hapje kapitujsh e përralla integrimi. Gjeni një vend tjetër si kryeministri që sulmon gjyqtarët për cështje që humb si palë në procese. Nuk ndodh. Kishte ngelur vetëm Kuvendi. Ne po na diktohet ekzekutivi dhe na thotë se strukturën e parlamentit do ta përshtasim me atë të Këshillit të Ministrave. Si mund që rregullat e një parlamenti, do të donit që të ishte një partiak, të diktohen nga një parti. Integrimin e keni vetëm për propagandë dite, sa herë vidhni dhe bëni një koncesion, dilni e thoni hapëm kapitujt. Hapja e kapitujve është proces normal, mbyllja e tyre është sfidë. Sa të jeni ju në qeveri e keni të pamundur të mbyllni një të vetëm duke nisur nga themeloret.
Balla: Shpresoj që ti mbyllim kapitujt brenda Krishtlindjeve të vitit 2027 dhe të gjithë së bashku me të majtë dhe të djathtë të shkojmë në parlamentet e vendeve anëtarë për të mbyllur procesin ne ratifikimit.
Kjo mazhorancë do të propozojë në Kuvend, pas këtyre ndryshimeve në rregullore që janë jetike për punën e përditshme, dhe reformën zgjedhore që duhet ta fillojmë menjëherë.
Ky nuk është një propozim i ri, për herë të parë është depozituar i plotë në formë e përmbajte dhe ka të bëjë me një transformim të domosdoshëm të transformimit të Kuvendit, sipas nevojës së Kuvendit. Nuk mundet të vazhdonim këtë vit me një ndarje komisionesh që në një sektor të caktuar sillte një emërtesë që vinte që nga Kuvendi i 1988.
Kryeministri dhe mazhoranca është votuar me një shumicë si asnjëherë tjetër për të jetësuar vizionin tonë. Opozitës nuk i kemi marrë asnjë komisionin, por i kemi besuar fusha jetike. Është jetike për opozitën të vijë në kuvend dhe të drejtojë komisionin për Arsimin, Shëndetësinë, të të Drejtave të njeriut.
Është jetike për opozitës që pastaj asaj votës historitë të diasporës që t’iu besohet opozitë drejtimi i komisionit të diasporës që lidhet dhe me çështje që kanë të bëjnë me kulturën dhe çështje që lidhen me turizmin.
Po ashtu, ditën e sotme, 4 deputetë të opozitës, Albana Vokshi, Fatmir Mediu, Jozefina Topalli dhe Oerd Bylykbashi, janë betuar në Kuvendin e Shqipërisë, pasi munguan në seancën e parë të legjislaturës së re.
- Përbërja e re e Këshillit të Rregullores dhe Këshillit të Legjislacionit
Parlamenti ka zyrtarizuar përbërjet e reja të Këshillit për Rregulloren, Mandatet dhe Imunitetet, si dhe të Këshillit të Legjislacionit, dy struktura kyçe në funksionimin e brendshëm institucional.
Këshilli për Rregulloren, Mandatet dhe Imunitetet
Ky këshill, i cili luan një rol kyç në interpretimin e rregullores së Kuvendit dhe shqyrtimin e mandateve të deputetëve, përbëhet nga:
Përfaqësuesit e PS:
Niko Peleshi
Taulant Balla
Ulsi Manja
Bledi Çuçi
Bledi Çomo
Përfaqësuesit e PD:
Gazment Bardhi
Oerd Bylykbashi
Elda Hoti
Gent Strazimiri
Saimir Korreshi
Zëvendësues:
Nga PS: Antoneta Dhima, Arkend Balla
Nga PD: Ivi Kaso, Greta Bardeli
Këshilli i Legjislacionit
Ky këshill ka për qëllim shqyrtimin e projektligjeve dhe përputhshmërinë e tyre me Kushtetutën dhe ligjet në fuqi. Përbërja e tij është si më poshtë:
Përfaqësuesit e PS:
Fatmir Xhafaj
Damian Gjiknuri
Olsi Komici
Erjon Malaj
Aulona Bylykbashi
Përfaqësuesit e PD:
Ivi Kaso
Arjan Ndoji
Gjin Gjoni
Greta Bardeli
Blendi Himçi
Zëvendësues:
Nga PS: Ani Dyrmishi, Erjona Ismaili
Nga PD: Oerd Bylykbashi, Gazment Bardhi
