Gazment Bardhi, i ftuar në Syri tv ka komentuar kabinetin e ri të qeverisë “Rama 4”, ku tha se ka një shtim të mbrojtjes së Belinda Ballukut.
Ai bëri një deklaratë të fortë ku tha se Balluku, e mban nën presion Edi Ramën dhe e kërcënon përmes një grupi të fuqishëm kriminal, njësoj siç kërcënon edhe SPAK-un për mos ta marrë atë të pandehur.
Ndërsa sa i përket emrave të tjerë, Bardhi tha se konfirmohet edhe një herë se çdo pushtet në këtë vend e ka Edi Rama. Ai shtoi më tej se Policinë e Shtetit e drejton grupi kriminal i Suel Çelës përmes lidhjeve me kryepolicin Ilir Proda, duke shtuar se ky i fundit kishte një situatë të tensionuar me ministrin e Brendshëm, Ervin Hoxha, i cili u shkarkua.
Gazment Bardhi: Shikon një shtim të mbrojtjes ndaj Belinda Ballukut dhe grupit e klanit të saj kriminal që e mbështet dhe u provua edhe ajo që qarkun në fakt edhe në Tiranë, që Belinda Balluku e mban nën presion dhe e kërcënon me një grup të fuqishëm kriminal kryeministrin e vendit, ashtu siç kërcënon edhe Prokurorinë e Posaçme që nuk guxon ta marrë të pandehur edhe pse i ka dosjet palë-palë në SPAK.
Së dyti, anonim të emëruar pa asnjë background nga vinë e pse duhet të jenë aty në qeverisjen e vendit, duke konfirmuar nga i pari deri tek i fundit ministër, kryeministër, drejtor, kryebashkiak…pra çdo pushtet në këtë vend e ka një individ, që është Edi Rama.
E pritshme, prandaj dhe e nisëm me buzëqeshje. Ju e parashikuat dje që do të ishte kabineti Edi Rama nga fillimi deri në fund. Asnjëri që ti thotë duhet të shkëputësh lidhjet me krimin, përkundrazi ka njerëz të krimit aty. Shikoni ministrin e Brendshëm që nuk ka lidhje me ministrinë e brendshme. Është fakt i njohur botërish që deri më sot, Policinë e Shtetit që është edhe funksioni kryesor, sot ai e shpalli më të parëndësishëm. Sigurinë e jetës, shëndetit, pronës së qytetarëve që është detyrë e Policisë së Shtetit, tha që nuk është ajo detyra kryesore e Ministrisë së brendshme, sepse në fakt nuk ka qenë ajo gjatë gjithë kësaj kohe.
Policinë e Shtetit e ka drejtuar gruëi kriminal i Elbasanit, Suel Çela, përmes drejtorit të Përgjithshëm të Policisë dhe sot me emërimin e ministres në fakt nuk tha asgjë tjetër, i tha ‘zonjë, ti nuk do meresh me Ilir Prodën’. Është fakt i njohur botërisht që ministri i Brendshëm kishte një marrëdhënie të tensionuar me drejtorin e policisë. Ai e la pa ministër.
Ka një forcim të lobit George Soros në qeverinë ‘Rama 4’. Ne e dimë që një nga njerëzit që ka mbështetur më shumë Soros në Shqipëri përveç Ramës ka qenë Erion Veliaj. Me sa duket ka dashur ti japë mesazhin, që shitja e Erion Velisë nuk nënkupton uljen e influencës të George Soros tek Edi Rama dhe qeverisja e tij në Tiranë. Dhe kjo është arsyeja që kanë një numër të konsiderueshëm, jo dy por më shumë, të lidhur me rrjetin e George Soros në Tiranë.
