Kombëtarja e Anglisë rinis kualifikueset e Kupës së Botës 2026 në një pozicion të fortë, duke kryesuar grupin e tyre me tre fitore radhazi (në këtë grup bën pjesë edher Shqipëria).
Megjithatë, vëmendja është kthyer te vendimi i habitshëm i Thomas Tuchel për ta lënë Trent Alexander-Arnold jashtë skuadrës.
Mbrojtësi i Real Madrid do të humbasë ndeshjet e Anglisë kundër Andorrës dhe Serbisë. Trajneri gjerman shpjegon arsyetimin pas vendimit në një konferencë për shtyp: “Nuk ka dyshim se jam një tifoz i madh i Trent, për talentin dhe personalitetin e tij”.
“Por, për këtë grumbullim, kam zgjedhur Reece James dhe Tino Livramento. Ai është një lojtar i shkëlqyer që do të jetë gjithmonë në garë. E di që ai donte të ishte këtu, gjë që është shumë e rëndësishme. Unë thjesht zgjodha të tjerë për shkak të konkurrencës”, tha Tuchel.
Ky veprim ngriti habi midis tifozëve, veçanërisht pasi Alexander-Arnold ka luajtur vetëm 23 minuta për Anglinë që nga tetori 2024, kryesisht për shkak të lëndimeve të vazhdueshme.
