Kryeministri Edi Rama ka prezantuar një nismë të re për hapësirat publike, duke bërë të detyrueshme që çdo karrige e vendosur jashtë lokaleve të kontribuojë me një pemë në kuadër të “Fondit të Gjelbërt”.
Ideja, siç shprehet Rama në postimet e tij në rrjetet sociale, vjen pas vendosjes së kushteve të reja për hapësirat publike dhe synon të ruajë mjedisin.
Por kjo nismë ngre dy çështje: e para, pse Rama u kujtua pas 12 vitesh; e dyta, mos vallë po i vjedh idenë Veliajt, i cili ishte mjaft i angazhuar me mbjelljen e pemëve, por tashmë është në burg për thesare të cilat i zbuloi kur hapte gropat për pemët.
Kjo iniciativë vjen pas një periudhe të gjatë, gjatë së cilës janë hequr çadrat e lokaleve që zinin hapësira publike, duke lënë pas vetëm karriget. Kjo ka krijuar një situatë ku hapësirat publike janë ende të zëna, por tani me karrige.
Postimi i Ramës:
Atyre që shqetësohen për karriget u them bëni durim, shpejt u vjen radha së bashku me kushtet e reja për vendosje karrigesh jashtë, por si fillim mund të them se për çdo karrige në hapësirën e kufizuar publike, do të duhet të kontribuohet me një pemë në Fondin e Gjelbërt që do të krijojë qeveria e re.
