Policia ka nisur procedimin penal ndaj një punonjëseje të Shtëpisë së Fëmijës “Zyber Hallulli” në Tiranë, pas publikimit të një videoje në JOQ ku ajo shfaqet duke dhunuar një të mitur.
Hetimi ka nisur për 35- vjeçaren me inicialet A.L. U raportua se prej rreth një muaji një nga kujdestaret u ulëret vazhdimisht fëmijëve.
Ngjarjet mësohet se ndodhin në orët e mëngjesit, rreth orës 08:00, në kohën kur fëmijët ushqehen.
‘Specialistët për Hetimin e Krimeve të Komisariatit të Policisë Nr. 1 kanë referuar në Prokurori materialet që çuan në nisjen e procedimit penal për shtetasen A. L., 35 vjeçe, kujdestare në një qendër rezidenciale për fëmijë. Ajo dyshohet se ka konsumuar elementët e veprës penale “Keqtrajtimi i të miturit”, pas publikimit në një portal të disa pamjeve filmike’, njoftoi sot policia.
LEXO EDHE:
“Ndyrësirë…”, ulërima histerike ndaj fëmijëve jetimë të “Zyber Hallullit”/ VIDEO
