Deputetja e Partisë Demokratike, Jorida Tabaku, ka reaguar ashpër ndaj deklaratave të kryeministrit Edi Rama drejtuar gjyqtarëve të Këshillit të Lartë të Gjyqësorit. Në një intervistë për SyriTv, Tabaku theksoi se sulmet ndaj gjyqtarëve që veprojnë ndryshe nga qeveria janë jo vetëm të papranueshme, por edhe një formë intimidimi dhe presioni.
Ajo shtoi se qeveria Rama ka një histori 12-vjeçare të veprimeve që shpesh shkelin ligjin dhe standardet europiane, ndërsa suksesi i saj nuk matet me fjalë, por me veprime. Tabaku përmendi edhe aferën e inceneratorëve, e kundërshtuar nga opozita dhe raportet europiane si një metodë jo e preferuar për menaxhimin e mbetjeve.
Ky reagim vjen pas deklaratave të Ramës që kritikoi disa vendime të KLGJ-së, duke nxitur debate mbi pavarësinë e gjyqësorit dhe standardet e drejtësisë në vend.
“Sa i përket drejtësisë, unë kisha shpresuar që KLGJ të kishte reaguar në kohë dhe të ndiqte të njëjtat standarde që ka ndjekur edhe për raste të tjera dhe shpresoj që kjo të ndodhe në të ardhmen në fakt. Drejtësia nuk ka dy qëndrime dhe nuk ka 2 fytyra dhe 2 faqe. Me pëlqen mua vendimi dhe nuk e komentoj, nuk më pëlqen mua vendimi dhe e sulmoj.
Duhet të ketë vetëm një standard, ose nuk komentojmë, nuk ndajmë absolutisht asnjë shqetësim, nuk sulmojmë, ose atëherë kemi standardin ku sipas oreksit, drejtësia sipas pëlqimeve herë preferohet e herë jo.
Mua sulmet në këtë rast ndaj gjyqtarëve të cilët kanë vendosur ndryshe nga qeveria, janë jo vetëm të papranueshme, por edhe pakonceptueshme në situatën ku ne ndodhemi. E kam konsideruar intimidim, e kam konsideruar presion dhe shpresoj që KLGJ të marrë masda dhe të reagoje më shpejt në kohë.
Sa i përket inceneratorëve, për herë të parë kur doli si aferë në vitin 2017-2018, opozita e kundërshtori jo vetëm sinjë aferë korruptive, por edhe si jo në përputhje me standardet e bashkimit evropian, këtë gjë tha edhe progress raporti: incenerimi, unë citoj, është mënyra më pak e preferuar e menaxhimit të mbetjeve dhe kjo ka qenë për 6 vjet me radhë në progress raporte.
Ka qenë e kundërshtuar nga to, i është thënë qeverisë shqiptare që nuk është ky drejtimi ku duhet të shkoni, qeveria shqiptare me kokfortësi vendosi që të shkelë standardet.
Së në fakt opozita matet nga fjalët, por qeveria matet nga veprat, ne kemi një historik 12-vjeçar, nuk është se kanë ardhur sot në pushtet dhe të na thonë se e kanë sot këtë strategji”, tha Tabaku.
