Çmimi i arit ka arritur për herë të parë në histori nivelin mbi 3,000 dollarë për oncë, duke reflektuar shqetësimet për rritjen ekonomike globale dhe pasigurinë që po shkakton lufta tregtare e nisur nga Donald Trump.
Arin po e kërkojnë shumë investitorë si një strehë e sigurt në periudha krizash ekonomike dhe tensionesh ndërkombëtare. Që prej fillimit të vitit, çmimi i arit është rritur me 14 për qind, duke e bërë atë nga asetet më të mira për t’u investuar.
Shqetësimet për rritjen e tarifave dhe luftën tregtare kanë nxitur investitorët të kërkojnë mbrojtje kundër rënies së tregjeve dhe inflacionit. Gjithashtu, pritshmëritë për ulje të normave të interesit nga banka qendrore amerikane kanë rritur tërheqjen për arin.
Ekspertët thonë se arin është i kërkuar si një mjet mbrojtës nga krizat ekonomike dhe pasiguria politike. Në të kaluarën, çmimi i arit kishte arritur në nivele të larta gjatë krizës financiare të vitit 2008 dhe pandemisë së Covid-19.
Gjithashtu, bankat qendrore po shtojnë blerjet e arit për të diversifikuar rezervat e tyre dhe për të mbrojtur vlerën ndaj monedhave tradicionale.
Analistët parashikojnë se çmimi i arit do të vazhdojë të rritet gjatë këtij viti, duke arritur edhe më lart./Financial Times
