Kanë kaluar 22 vite nga vdekja tragjike e komisar Gani Malushit në krye të detyrës dhe sot në përvjetorin e vdekjes së tij, bashkëshortja e tij Esma, shprehet sërish se vdekja e vërtetë i erdhi nga tradhtia.
Esma shprehet se sot 22 vite më parë, dora kriminale e qëlloi në pabesi duke i ndërprerë në mes jetën.
“Sot 22 vite me parë, dora kriminale qëlloi në pabesi duke të ndërprerë në mes jetën. Rruga drejt lavdisë të çoi drejt vdekjes, vdekja e vërtetë të erdhi nga tradhtia. 22 vite pa ty, 22 vite përditë me ty!”- shkruan Esma në një postim në Facebook.
Gani Malushi u vra më 6 gusht të vitit 2003, përpara Drejtorisë së Policisë së qarkut Durrës, ndërsa ishte oficer që arriti të përballojë me sukses detyrat në policitë e Kukësit, Tropojës e Beratit edhe në periudhën e trazuar të vitit ’97 e më pas.
