Ish-kandidati i opozitës për deputet Lefter Maliqi ka bërë thirrje urgjente për analizimin e humbjes në zgjedhjet e 11 majit.
Gjatë një reagimi në rrjetet sociale, Maliqi denoncon faktin se vartësit e Berishës dhe drejtuesit politik nëpër qarqe nuk punuan për fitoren dhe për këtë duhet të ketë riorganizim të opozitës.
Maliqi bën thirrje që PD e opozita duhet të reagojë urgjent, të ngrihen në këmbë, të riorganizohen në çdo qelizë, të largojnë nga postet urgjent të paaftët, servilët, të kapurit nga e majta me punësime, favorizime e tendera.
“Skandal po merremi me Ramën kë heq, e kë vë, kë prish, e kë ndreq! Po na merr kohë po e kthen në parti shtet, heq disa të vjetër e fut nga opozita, tërheq venmendjen, kalon ditët e muajt me lajme të përditëshme, ndërkohë opozita vazhdon me kontestimin e zgjedhjeve dhe masakrën elektorale, ndërkohë që s’ka asnjë akt dorëheqje!
Lideri Berisha punoi fortë, donte fitoren e opozitës, por vartësit e tij dhe drejtuesit politik në qarqe, shumica e tyre pse nuk punuan për fitore?? Turp Rama po bënë Opozitën brenda Pozitës! Është urgjent riorganizimi, shkarkimet, emërime, shtim radhësh, plotësim i strukturave me energji, detyra konkrete në çdo qendër votimi.
PD e opozita duhet të reagojë urgjent, të ngrihen në këmbë, të riorganizohen në çdo qelizë, të largojnë nga postet urgjent të paaftët, servilët, të kapurit nga e majta me punësime, favorizime e tendera. Koha nuk pret! Ndryshe po merremi ç’po bën Rama! Na ka futur në kurth. Tërheq vëmendjen me “shoë”, ndërkohë që opozita në bazë është ku therret qameti, saqë dhe komisionierë e vëzhgues në shumë qendra votimi nuk gjenin dhe më keq akoma luteshin për numërues.
Nëse jeni të kënaqur me 40-50 Deputetë dhe thjesht për interesa personale, atëherë vazhdoni merruni me skandalet, “shoën” dhe teatrin e radhës të Ramës. Nëse mendoni për demokratët opozitarët, demokracinë dhe shqiptarët ringrini fortë partinë e opozitën në bazë.
Shkarkoni drejtues në qendër dhe drejtues politikë, si dhe drejtues degësh ku dështuan. Do merziten 100 por do fitoni 100 mijë. Koha nuk pret! E kundërta po shuhet shpresa e po thyet besimi tek opozita”, shkruan Maliqi.
