Policia e Durrësit ka arrestuar një adoleshent, i cili ishte shpallur në kërkim rreth dy muaj më parë për plagosje me thikë.
Në kuadër të operacionit të koduar “Wanted” është vënë në pranga shtetasi A. N., 17 vjeç, i shpallur në kërkim për veprën penale “Plagosje e rëndë me dashje”, i cili është kapur në lagjen nr. 8 të qytetit bregdetar.
“Gjykata e Shkallës së Parë e Juridiksionit të Përgjithshëm Durrës kishte caktuar ndaj tij masën e sigurisë “Arrest me burg”. Ky shtetas, më datë 14.05.2025, ka plagosur rëndë me mjet prerës (thikë), shtetasin F. R.” – thuhet në njoftimin e Policisë.
Materialet procedurale i kanë kaluar Prokurorisë së Durrësit për veprime të mëtejshme.
