Një pjesë e varrezave të Elbasani janë përfshirë këtë të diel nga një zjarr masiv.
Pamjet janë publikuar nga anëtari i Këshillit Bashkiak, Erjon Murataj, ku në video duket se si zjarri ka shkrumbuar çdo gjë në një sipërfaqe të madhe në varrezat e Elbasanit.
Ndërkohë, Bashkia e Elbasanit ka thënë për mediat se zjarri në këto varreza është një ngjarje e përsëritur dhe e qëllimshme, dhe për këtë janë bërë denoncimet përkatëse.
Kujtojmë se Elbasani prej rreth një javë është përfshirë nga një tym helmues për shkak të zjarrit që përfshiu plehrat në fushën e vendgrumbullimit të mbetjeve, pranë inceneratorit të Elbasanit.
