Eksperti i ekonomisë Klodian Muço, ka komentuar situatën me ndërtimet në Shqipëri dhe ekonominë e narkoeuros.
Sipas tij, ndërtimi ka një varësi totale nga paratë e krimit dhe konsiderohet si sektori më i predispozuar për të ricikluar paratë.
Po ashtu ai theksoi se kur popullsia ka tendencë rënse, lejet e dhëna në Shqipëri kanë një tendencë rritëse, ka diçka që nuk shkon.
“Po bëj një sintezë shumë të shkurtër. Ajo që është vënë re vitet e fundit është një formcim i monedhës sonë vendase në raport me monedhat e huaja. Fillimisht Banka e Shqipërisë apo shumë institucione në Shqipëri që deklarojnë se forcimi i vazhdueshëm i monedhës sonë vendase vjen si pasojë e përformancës ekonomike dhe turizmit. Por kemi parë që vitin e kaluar gjatë periudhës Korrik – Gusht në kulmin e sezonit turistik euro kjo jo vetëm që nuk u zhvlerësua por pati një moment forcimi. Kjo tregon se ky zhvlerësim ndër vite nuk ka ardhur si pasojë e turizmit por të faktorëve të tjerë ekzogjenë. Dhe një nga këto diskutohet sektori i turizmit. Kemi parë plot raste nga SPAK sesi kompani të caktuara apo grupe kriminale kanë investuar në sektorin imobiliar, kanë hapur edhe kompani ndërtimi. Rasti me i fundit është i grupit kriminal të Elbasanit sesi kishin një kompani ndërtimi që merreshin me ndërtime vilash apo pallatesh në Tiranë. Po ashtu janë sekuestruar me dhjetra prona nga SPAK që tregon në një farë mënyre që një ndër sektorët, por kjo, jo vetëm në Shqipëri, duhet të jemi të saktë në këtë aspekt. Sektori i ndërtimit konsiderohet si sektori më i predispozuar për të ricikluar paratë. Në të tilla kushte kur popullsia ka tendencë rënse, lejet e dhëna në Shqipëri kanë një tendencë rritëse, ka diçka që nuk shkon, pra nuk rritet oferta pa rritur kërkesën, e kjo vjen nga faktorë të jashtëm që vijnë nga paratë kriminale.
Ajo që është vënë re me censusin e 2023, ishte 39 700 mijë apartamente bosh në Tiranë. Por të marrim në konsideratë edhe banesat private sipas censit të 2023 kalonin 52 mijë në qytetin e Tiranës. Po të kalonim në nivel qarku kalonin në 72 mijë hyrje. Nga ana tjetër vetëm në dy vitet e fundit janë dhënë mbi 3 milionë metra katrorë leje ndërtimi në Tiranë që tregon, nga një anë ke me dhjetëra mijra apartamente bosh dhe nga ana tjetër ti po rrit në mënyrë të ndjeshme lejet e dhëna për metër katrorë, që tregon që kjo situatë, ose financohet nga paratë e krimit ose nuk ka logjikë ekonomike. Aspekt tjetër po kaq i rëndësishëm është se ka rritje të çmimeve për metër katror që ka ardhur si pasojë e çvlerësimit të Euros.
Konkretisht në zonën e Astirit çmimet në vitin 2020 ishin 500-550 euro për metër katror. Ndërkohë sot ato kapin vlerën e 1500 eurove. Por që gjithmonë duke marrë realitetin shqiptar që është gjithmonë i çuditshëm tek këto 1500 euro për metër katrorë merren edhe hapësirat e përbashkëta. Kështu që po të shtojmë hapësirat e përbashkëta mund të shkojmë ne 1800 euro për metër katror. Çmimi tani në unazën e vogël ka kaluar në 2000 euro për metër katrorë që tregon se me këto vlera nuk mund ti blejnë qytetarët e thjeshtë….“, tha Muço në Syri TV
