Një 39-vjeçar, i cili kreu manovra të rrezikshme me automjetin e tij tip “Audi”, ka përplasur pesë këmbësorë në rrugën “Halit Haxhija” në Tiranë.
Pas aksidentit, ai braktisi automjetin dhe u largua nga vendi i ngjarjes, por u kap shpejt nga policia dhe është vënë në pranga. Këmbësorët morën ndihmë mjekësore dhe ndodhen jashtë rrezikut për jetën.
Në pranga ra Përparim Bilja. Pas aksidentit ai u largua dhe braktisi mjetin tim ‘Audi’, i cili është bllokuar tashmë nga policia.
“Kreu manovra të rrezikshme me automjet, në rrugë, përplasi 5 këmbësorë, braktisi automjetin në vendin e aksidentit dhe u largua, kapet dhe vihet në pranga 39-vjeçari.
Bllokohet automjeti tip “Audi” dhe 39-vjeçarit iu vu masë plotësuese heqje e lejes së drejtimit. Specialistët për Hetimin e Krimeve të Komisariatit të Policisë Nr. 5, në bashkëpunim me shërbimet e qarkullimit rrugor, kapën dhe arrestuan shtetasin P. B., 39 vjeç, banues në Kamëz.
Dje, në rrugën “Halit Haxhija”, shtetasi P. B., duke drejtuar automjetin tip “Audi”, ka kryer manovra të rrezikshme dhe për pasojë automjeti ka dalë nga rruga, duke perplasur 5 shtetas (këmbësorë), të cilët morën ndihmë mjekësore në spital dhe janë jashtë rrezikut për jetën”, njofton policia.
Materialet procedurale iu referuan Prokurorisë së Tiranës, për veprime të mëtejshme.
