Një konflikt që ka degraduar deri në dhunë fizike është regjistruar pasditen e djeshme, (9 martë, 10 Qershor) rreth orës 15:30 në Bulqizë.
Më konkretisht, 40-vjeçari Juljan Damzi, drejtor i Kujdesit Shëndetësor në Bulqizë ka goditur me shuplakë 26-vjeçaren, Shime Doda, drejtuese e Task Forcës në Ujësjellës Kanalizimeve Dibër (UKD).
Sherri mes tyre dyshohet se ka ndodhur për motive të dobëta ku shkak ka qenë një karrige e dëmtuar. Shime Doda ka bërë kallëzim në Polici dhe kjo e fundit ka proceduar penalisht në gjendje të lirë Julian Damzin.
“U referuan materialet në Prokurori për shtetasin Juljan Damzi, 40 vjeç, banues në Bulqizë, i cili dyshohet se pas një konflikti për motive të dobëta, ka goditur me shuplakë, për shkak të detyrës shtetasen Shime Doda 26 vjeçe. Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Dibër, për veprime të mëtejshme.”, thuhet në njoftimin e Policisë së Dibrës.
Në kallëzimin e bërë në Polici, Shime Doda pretendon se fillimisht konfliktin e ka nisur me Erla Damzin, bashkëshorten e Julian Damzit, e cila ka konstatuar një karrige të dëmtuar dhe i ka kërkuar 15 mijë lekë të reja, si dëmshpërblim. Ajo thotë se edhe pse karrigia ishte e shtetit, sërish kishte rënë dakord për të paguar shumën prej 15 mijë lekësh të reja.
Në një moment të dytë, sipas Shime Dodës, Erla Damzi kishte shkuar sërish, por këtë herë bashkë me bashkëshortin e saj, Julin Damzi dhe se ky i fundit ka filluar direkt duke i bërtitur dhe duke i kërkuar llogari se pse ishte konfliktuar me partneren e tij.
Sipas 26-vjeçares, Julin Damzi e ka shtyrë dhe e ka goditur me shuplakë, madje sipas saj, edhe pas ndërhyrjes së punonjësve të tjerë, ai sërish e ka ndjekur për ta goditur sërish.
Dëshmia e plotë e Shime Dodës në kallëzimin e saj:
“Deklaroj se sot kam qenë si çdo ditë tjeter në vendin e punës dhe ku rreth orës 15:30 vjen shtetesaj Erla Damzi e cila na shikon që po sistemonim zyrat që unë kam dhe më thotë që kam marrë urdhër nga lart (nuk e specifikon se nga kush) dhe na thotë që dua të marrë tavolinat te cilat ajo thotë që unë i kamë në ngarkim, por deri diten e sotme nuk është se na ka bezdisur për tavolinat, dhe bashkë më koleget e mija i them që nese ka mundësi leri sot tavolinat sepse janë dhe kompjutart mbi to e mos i lejme kompjuterat ne toke dhe merreni nesër. Ajo në mënyrë agresive duke bertit dhe duke thën që kam urdher por pa e paraqitur me shkrim ketë urdhër që do ti marrë tavolinat sot. Nga mënyre se si kjo reagoi ne i thamë që në rregull mund ti marrësh sepse janë tavolina për punë dhe jo private.
Dhe kjo i nxorri tavolinat në korridor dhe më pas u fut tek zyra tjeter duke marrë një karrige dhe karrigia ishte e dëmtuar dhe filloj duke bërtitur që si e keni marrë kete karrige ashtu duhet ta dorëzoni dhe unë i thashë që karrigia është një mjet për tu perdorur për punët e zyres së shtetit dhe i thashë ajo karrige ekziston ajo është por thjeshte është prishur, nga ky moment ajo vazhdoi duke bërtitur dhe duke thënë që do i them Drejtorit që keni prishur karriget dhe do mbani ju përgjegjësi për këtë që keni bere ose do paguani 15.000 mije lekë të reja per karrigen e dëmtuar. Ne thamë në rregull si të thuash ti vetem nga ana juaj e kemi dëgjuar që paguhen karriget e shtetit që dëmtohen duke punuar.
Pasi këtij momenti une bashkë më koleget e mija po qëndromin në sallon po prisnim që te vinin punonjësit për të marrë disa objekte dosje që i kishin berë gati. Në ketë momento vjen përseri Erla Dazmi bashkë më bashkëshortin e saj, shtetasin Julian Damzi i cili më drejtohet me zë të lartë duke me thënë çfarë ke ti që zihesh me nusen time dhe direkt me ka shtyrë dhe me ka goditur me shuplakë më pas ka ndërhyrë punonjësit që ishin prezent te cilet janë Norald Zuna, Luljeta Mullameti, Elda Curri për ta ndaluar por ai përseri nuk ndalonte dhe vazhdon te duke me ndjekur për të më goditur me pas kolegja ime Elda merr ne telefon Administatorin.”
