Për gazetarin Enton Abilekaj, SPAK asnjëherë nuk ka mundur t’i kopsisë dosjet që ka nën hetim, duke i dërguar të paplota dhe aspak profesionale në GJKKO.
Abilekaj teksa iu referua vendimit të fundit për shtyrjen e hetimeve për ish presidentin e Republikës së Shqipërisë, Ilir Meta, njëkohësisht president i Partisë së Lirisë, tha se çështja ndaj tij është e paragjykuar nga SPAK.
Sipas Abilekajt, më shumë se sa dosje profesionale, hetimet ndaj Metës, janë një dëshirë e SPAK për të dënuar në gjykatë një zyrtar të lartë.
Abilekaj është i mendimit se drejtësia sot është vetëm një vegël në dorën e një personi, Edi Ramës dhe jo të forcës politike që ai përfaqëson.
“Çështja ndaj Metës është e paragjykuar nga SPAK, dhe hetimi mund të dështojë. Nëse e shtyn vazhdimisht se s’ke ende prova dhe ta mbash në burg deri sa të gjesh prova, ky është paragjykim. Kur SPAK e mban çështjen pa pasur akuzë ndaj Metës, pa e çuar në gjykatë, kemi të bëjmë me çështje të paragjykuar që përfundon si një dëshirë në gjykatë për t’u dënuar një zyrtar i lartë. Këto raste janë të paprecedenta. Nëse Meta nesër do të dalë në një gjykatë në Strasburg i pafajshëm, dëmi financiar që do i vijë shtetit shqiptar, imagjinojeni, pastaj dëmi moral.
Veliaj mbahet mbi mënyrën se si ai reagoi ndaj drejtësisë mbi mënyrën e hetimit që iu bë. Mund të intimidonte dëshmitarët, ndaj ishte mundësi për ta mbajtur. SPAK s’arrin të ndërtojë një dosje për ta çuar në gjykatë, sidomos për zyrtarë të lartë. Kemi pasur në SPAK dëshmi nga burgu, siç ishte rasti i Malltezit që kur doli pastaj denonconte raste, dhe i paguajmë ne kur i fitojnë gjyqet e dalin të pafajshëm.
Me këtë peshë të rëndë që ka drejtësia sot për qëndrim politik, e ka të domosdoshme të tregojë se puna e saj është profesionale e nuk lidhet me marrëdhënien politike. Rasti është i Veliajt, nxori se si dy prokurorët ishin agresivë ndaj tij, një lloj armiqësie ndaj tij dhe e bënte procesin të pabesueshëm. Agresivitet personal ndaj Veliajt, sidomos nga Dumani. Prokurori është objektiv dhe jo subjektiv.
Sot kemi një drejtësi që u formuar në bashkëpunim me të huaj, por është shndërruar në vegël të Ramës, të një pushtetari të vetëm. E shikojmë se si sillet me një njeri që Rama i ka hequr vështrimin, apo kur Rama i fërkon kokën. Është më mirë që seancat gjyqësore ndal liderëve të opozitës, duhet të jenë të hapura për publikun që publiku të gjykojë akuzat se sa të vërteta janë. Kjo s’do të ndodhë kurrë, pasi SPAK s’ka ndërtuar dosje profesionale, me akuza të vërteta, përfshirë edhe Veliajn”, tha Abilekaj per Syri tv.
