Kongresi i Onkologjisë u shndërrua në një “shoë” propagandues të qeverisë që në realitet është një sistemi shëndetësor i dështuar.
Gazetari Osman Stafa nuk ndalet duke “çjerrë maskën” e Onkologjikut ku thekson se kongresi u shndërrua në një shfaqje të turpshme me theks te fasada institucionale dhe jo tek problemet.
Dukë injoruar skandalet dhe mungesën e ilaçeve në Onkologjik, shefja e shërbimit Silvana Çeliku foli për “sukseset” imagjinare ndërkohë pacientët e sëmurë me kancer trajtohen në mënyra çnjerëzore.
“Kongresi i Onkologjisë, mbajtur në Tiranë gjatë datave 23-24 maj, u përdor nga drejtuesit e sistemit si një platformë për të shitur si “suksese” ato që konsiderohen dështime e skandale, me pasoja jetë njerëzish, që kanë vuajtur nga kanceri.
Në vend që të ishte një arenë për diskutim shkencor dhe reflektim mbi problematikat e thella në shërbimin onkologjik, kongresi u shndërrua në një shfaqje propagandistike me theks te fasada institucionale. Shefja e shërbimit Silvana Çeliku dhe disa të tjerë, paraqitën të ashtuquajtura arritje, pa dhënë asnjë sqarim për skandalet që kanë shoqëruar këtë sektor në vitet e fundit.
Ndër prezantimet më paradoksale ishin ato të përgjegjësit të njësisë, Orges Spahiu, një imazherist që, në shkelje të praktikës së mirë klinike dhe etikës profesionale, ushtron funksione si onkolog:
Ai referoi për:
1- Rifillimi i trajtimit me ortovoltazh pas një ndërprerjeje dyvjeçare: përvoja 8-mujore në QSUNT.
2- Rifillimi i brakiterapisë pas 12 vitesh: përvoja 6-mujore në QSUNT.
Këto u paraqitën si “arritje”, ndërkohë që për çdo profesionist të ndershëm janë dëshmi flagrante të një keqmenaxhimi kronik dhe abuzimi institucional”, shkruan Osman Stafa.
