Gazetari Osman Stafa, i ftuar në emisionin “Opinion”,, ka folur për protestat që po mbahen në kryeqytet.
Ai gjithashtu ka gjetur një mënyrë për të “protestuar” në studion e “Opinion”, përmes pankartave të ndryshme, njëra prej tyre e fokusuar te problemet e shëndetësisë, të cilat ai i ngre shpeshherë.
“Onkologjiku pa ilaçe dhe pajisje, si trajtohen pacientët me kancer?”, “Pse të rinjtë ikin nga Shqipëria”, “Po të të bjerë ishemi sot, ku do trajtohesh? Të duhen 35 mijë euro në privat”, ishin disa nga pankartat e gazetarit.
Stafa sqaron se kjo protestë është e organizuar nga të rinj, gjenerata Z, njerëz të mirëartikuluar.
“Kërkohet dorëheqje. Është një Gen Z. Po të hysh tek ajo protestë, ta shëtisësh protestën, shikon një masivitet të rinjsh. Unë kam raportuar edhe protesta të opozitës, ka një moshë mbi ‘x’ vjeç, por këtu janë të rinj dhe të mirëartikuluar. Ata njerëz aty janë mjaft të qartë çfarë po ndodh në Shqipëri. Ata njerëz aty i kanë mjaft të qarta kërkesat e tyre”, tha ai.
Ata kanë një motiv: daljen kundër klasës politike të këtyre 36 viteve të fundit.
“Është një protestë kundër klasës politike të 36 viteve në Shqipëri. Brezi që mungon në votime”, tha ai.
Lidhur me regimet e fundit të kryeministrit Rama ndaj influencerave, Stafa u shpreh se kreu i qeverisë duhet të japë sqarime mbi skandalet e ndryshme.
