Nga sulmet izraelitë të kryera gjatë ditës së sotme numri i viktimave ka shkuar në 82 persona, teksa mediat e huaja, raportojnë se si pasojë e sulmeve kanë mbetur të vrarë edhe gra e fëmijë.
Ministria e Shëndetësisë në Gaza bën të ditur se mes viktimave është edhe një foshnje njëjavore. Më parë, numri i të vdekurve ishte 45, teksa nga raportimet e fundit ky numër është rritur ndjeshëm.
Kujtojmë se këto sulme vijnë në një kohë kur ndërkombëtarët bëjnë thirrje të vazhdueshme ndaj Izraelit për të ndalur bombardimet e po ashtu për të çuar ndihma ushqimore në Gaza. Jo më larg se të Martën, OKB ngriti shqetësimin për 48 orët që vijnë, ku rrezikohet jeta e 14 mijë foshnjeve.
Izraeli ka bllokuar hyrjen e ndihmave mjekësore, ushqimore dhe të karburantit në Gaza që nga fillimi i muajit Mars me qëllim për t’i bërë presion Hamasit të lirojë pengjet.
