Edi Rama, gjatë fjalës në samitin e Komunitetit Politik Europian, që po mbahet në Tiranë, nuk la pa përmendur as zgjedhjet parlamentare të 11 Majit.
Ai u shpreh se Europa ishte më e pranishme se kurrë në fushatë, ku theksoi se u përqëndrua në fjalët Europë, identitet, përkatësi. Rama bëri një krahasim me “Brexit” në Britani, kur britanikët vendosën për të dalë nga BE, por sipas kryeministrit, fitorja me 52% të votave e tij, është një Brexit i përmbysur.
Rama shtoi më tej se 48 % të shqiptarëve që nuk e votuan, gjithsesi, sipas tij, nuk janë euroskeptikë, por të euro optimistë të painformuar, të cilët mendojnë se duhet të ishte shkarkuar për shkak se nuk e kishte futur Shqipërinë në BE.
Pra, Rama kërkon që ta shfaqë para liderëve të BE-së, se nuk i fitoi zgjedhjet me krimin, administratën dhe manipulimet, por me premtimin për pasaportën europiane.
“Kënaqësi për të gjithë vendin tim dhe popullin shqiptar që t’ju mirëpres në këtë vend dhe në këtë shtëpi të ndërtuar enkas për komunitetin politik evropian ku nuk jeni të rrethuar nga makthet e Evropës, por nga imagjinata e fëmijëve shqiptarë për Evropën. Jo ishte zgjedhje e qartë për ne se ëndrrat e fëmijëve nuk mbahen peng nga mitet e të shkuarës, ëndërrojnë për të ardhmen. Keni ardhur në një moment domethënës kur kemi mësuar ta shohim të shkuarën përmes syve të së ardhmes.
Mbërritja juaj vijon një fushatë zgjedhore ku Europa ka qenë më e pranishme se kurrë. Ishte kënaqësi që fushata u përqendrua te kjo fjalë: Europë, identitet, përkatësi. Dhe identiteti fitoi më shumë se 52% të votave. Për mikun tim të dashur Keir, ishte një rezultat mjaft i ngjashëm me referendumin e Brexit-it, por me role të përmbysura, 52% për ne për të mbetur apo në rastin tonë për t’iu bashkuar. Por nuk ka krahasim 48%-shi i mbetur i votuesve. Ata nuk janë euroskeptikë, janë thjeshtë euro optimistë të painformuar, të cilët mendojnë që duhet të isha shkarkuar, meqë nuk e integrova Shqipërinë në BE shumë kohë më parë”, – tha Rama
