Policia e Tiranës i ka kthyer përgjigje negative Partisë Demokratike në lidhje me kërkesën për zhvillimin e një proteste pasdite e të premtes, më 16 maj, në bulevardin “Zogu i Parë” në Tiranë.
Protesta e thirrur nga Sali Berisha, pas mosnjohjes së rezultatit të zgjedhje do të mbahej në të njëjtën kohë me samitin e Komunitetit Politik Europian në Tiranë. Autoritetet kanë vendosur të refuzojnë lejen e demokratëve për protestë për arsye sigurie.
Protesta është njoftuar që të nisë në orën 17:00, teksa Sali Berisha tha se tubimi do të jetë paqësor. Mbetet të shihet nëse demokratët do ta mbajnë protestën, pas refuzimit të lejes, apo jo.
