Drejtuesi politik i PD-së në qarkun e Fierit, Gazment Bardhi ka denoncuar me emra personat që sipas tij po tentojnë që të blejnë votat në Fier.
“Terroristët elektoralë që mendojnë se do të blejnë dinjitetin e qytetarëve në Frakull dhe Dërmenas me paratë e korrupsionit dhe paratë e pista të Ceno Klosit, Darli Hoxhës dhe Lulzim Morinës i siguroj që do të dështojnë me sukses të plotë”, shkruan Bardhi në Facebook-un e tij.
Sipas tij vota e qytetarëve të Fierit nuk ka çmim, ndërkohë që shton se ata do ta përbuzin varfërimin dhe tentativat për t’u blerë votën.
Më tej demokrati shprehet se secili prej tyre është dokumetuar dhe do të kallëzohet në SPAK, ndërkohë që Balluku sipas tij e ka vendin në burgun e Pojskës së Fierit.
Postim i plotë I Gazment Bardhit:
“Vota jote nuk ka çmim”!
PD do të fitojë, sepse qytetarët e përbuzin varfërimin me qëllim blerjen e dinjitetit të tyre në zgjedhje. Terroristët elektoralë që mendojnë se do të blejnë dinjitetin e qytetarëve në Frakull dhe Dërmenas me paratë e korrupsionit dhe paratë e pista të Ceno Klosit, Darli Hoxhës dhe Lulzim Morinës i siguroj që do të dështojnë me sukses të plotë.
Secili prej tyre është identifikuar, dokumentuar dhe kallëzuar pranë prokurorëve të posaçëm. Për të mos dëmtuar sekretin e veprimeve hetimore jemi udhëzuar të mos bëjmë publikë emrat, por një garanci mund ta jap! Belinda do t’ju marrë me vete! Ajo në Pojskë, ju në burgun e Fierit! ✌️
