Edi Rama ka mbajtur këtë mërkurë mitingun përmbyllës në Fier, ku gjatë fjalës së tij nuk la pa sulmuar edhe kundërshtarët politik.
Më konkretisht Rama është marrë me drejtuesin e PD-së në Fier, Gazment Bardhi, për të cilin tha se është “Gazi i botës”. Sipas tij, Bardhi nuk e meriton as besimin dhe as respektin jo vetëm të Fierit, por të çdo qyteti dhe fshati.
“Ndërkohë këtu në këtë shesh është e pamundur që unë të mos prek edhe një pjesë të kësaj historie, që është e një pjesë e shëmtuar, e neveritshme. Kënetën. Këneta u mblodh këtu në shesh dhe u duk si një mbledhje mbetjesh nga Gjanica që ishin lënë këtu për ti marrë dhe pastruar shiu. Këneta që këtu ka zgjedhur të sjellë për të përfaqësuar Fierin në Parlament dikë që jo që nuk e meriton besimin e këtij qyteti, të asnjë qyteti dhe fshati të qarkut të Fierit. Nuk meriton asnjë respekt nga ky qytet dhe ky qark. Dikë që është vetëm Gazi i botës. Nuk mund të jetë Fieri i demokratëve i përfaqësua nga Gazi i botës, i ndarë mes Shqipërisë 20230 në BE dhe gazi të botës. Nuk mund të bëhet Fieri gazi i botës duke shkuar pas një plaku të rrjedhur që nuk di më si të vazhdojë fjalitë. Pas një politikani që ka marrë peng opozitën për interesin e tij, por kurrë s’mund të marrë peng Fierin dhe Shqipërinë.”, tha Rama.
