Edi Rama në çdo miting, në mënyrë skandaloze, bën thirrje për bojkotim të zgjedhjeve të 11 Majit, teksa të njëjtën gjë ka bërë edhe nga mitingu përmyllës në Elbasan.
Kryesocialisti mesazhin e pati për demokratët ku iu tha se nëse nuk e votojnë atë, të mos shkojnë fare për të votuar, por të rrinë në shtëpi.
“Mirë bufin që nuk ka njeri ta mbajë në shtëpi, po demokratët e Elbasanit, pse duhet të hyni në gjynah ju? Me i dhonë votën dikujt që duhet të shkoj në shtëpi dhe me e mbajt rrugëve një burrë stërplak, i lashtë, i dëshpëruar, i pashpresë, që të vijë vërdallë, po hyni në gjynah. Mos hyni në gjynah! Hajdeni me ne! Kush e ka problem pesën, le të mos e vejë te pesa, të zbresë poshtë dhe ka gjithë atë listë, të ndalojë në ndonjë vend të vejë votën dhe nuk hyn në gjynah. Kush nuk e bën as këtë, të rrij mo në shtëpi, ditë e dielë, kohë e mirë, të rrinë në shtëpi. Nuk dilet nga shtëpia për të hyrë në gjynah. Le mo me dal nga shtëpia, me e rrugullu, me shku me majt radhë dhe pastaj me u hudh në kënetë.” – tha Rama.
Gjatë fjalimit në Elbasan, Edi Rama vlerësoi edhe demokratët të cilët fituan në Primare, por u lanë jashtë listave të kandidatëve si Dash Sula në Peqin, Hysen Kadiu në Kavajë, Zheni Gjergji në Elbasan apo kryetarja e PD-së së Sarandës, Manjola Nikollo.
“Ky shesh është dëshmitar i një therje të madhe. E therën gjelin e detit të Peqinit se fluturoi nalt. E therën se fitoi primaret Dashi, por nuk është në asnjë vend. E hëngrën. E therën. Po Dashi nuk është zog kënete, Dashi ka shtatë shpirtra. Kështu që nuk është si ata të tjerët, si Hysenin e Kavajës, doli i shkreti fitoi primaret në të gjithë Tironën, atë e ka hëngër bufi, ai as në listë, as në Kavajë. Thonë ore ku është Hyseni? Te barku i bufit. Kryetaren e PD-së së Sarandës, alamet zonje, fitoi primaret. Nuk është asgjë kundi, e hëngri bufi. Çoi kanarinën atje.
Po zysha. Zysha që bënte replika me mua në parlament. Doktoresha. Zheni e ka ajo? Ku është Zheni? E hëngri këneta dhe Zhenin sepse këneta nuk do asgjë dhe askënd që nuk është i gatshëm dhe e gatshme të bëjë kua kua kau. Kush ka pak më shumë zë, pak më shumë ego, pak më shumë përkrahje, nuk i duhet kënetës. Këneta është mbretëria e bufit dhe bufi mbretëron mbi kënetë dhe mbi sipërfaqen e ujit të ndenjur bëjnë kua kua kua. Si mund të jetë kjo alternativa e Shqipërisë.” – tha Rama.
